Mahsulot tavsifi
Olim Gulxaniy va uning adabiy merosi haqida bir qancha salmoqli risolalar, maqolalar e’lon qildi. U o‘zining 20-25 yillik ilmiy izlanishlarini yakunlab, 1997- yil 16- dekabrda «Gulxaniy ,«Zarbulmasalning ilmiy-tanqidiy matni» mavzusida doktorlik dissertatsiyasini yoqladi. F.Is’hoqov o‘z tadqiqotlarida Gulxaniy hayoti va adabiy merosini o‘rganish jarayonida boshqalar tomonidan yo‘l qo‘yilgan nuqsonlami bartaraf etadi, adibning taxallusi, qismati, qushlar obrazlarini noto‘g‘ri nomlash, asarning janriy xususiyatlarini belgilash borasidagi chalkashliklarga aniqlik kiritadi. F.Is’hoqovning ilmiy asarlarida ,,Zarbulmasal‘‘ xalqchil nasrning o‘ziga xos namunasi ekanligi, asarning g‘oyaviy-badiiy dunyosi chuqur tahlil qilinadi. Uning ishlarida ayniqsa ,,Zarbulmasal‘‘ning til xususiyatlari keng ko‘lamda o‘rganildi. “Zarbulmasal” — hayvonlar haqidagi qiziqarli voqealarga boy asar. U, aslida, odamlar haqidagi asardir. Adabiyotimiz tarixida ,,Zarbulmasal‘‘ nomi bilan tarqalgan asarlar juda ko‘p bo‘lgan. U, avvalo, bir tildagi masallarning oddiy to‘plamini anglatgan. Shuningdek, bir tildagi masallarning boshqa tilga qilingan tarjimalari ham ,,Zarbulmasal‘‘ deb nomlangan. Biror masalga tayanib pandnoma yo‘nalishida bitilgan risola ham ,,Zarbulmasal‘‘ atalgan.
Muallif
- Hujjatlari
- 2 726
- Sotilgan
- 2 142
